Real Madridi ka shënuar fitore të rëndësishme në shtëpi ndaj Las Palmas me rezultat 4-1 në kuadër të javës së 20-të.

Mbretërit edhe pse e nisën ndeshjen shumë keq duke pranuar gol, treguan fuqinë dhe arritën të marrin tri pikë për vendin e parë në renditje.

Fabio Silva shënoi që në minutën e parë pas asistimit të Sandro Ramirez për 1-0.

Por nuk vonoi shumë dhe Real Madridi fitoi penallti, ku nga pika e bardhë doli të ishte i saktë Mbappe që shënoi për 1-1.

Në minutën e 33-të, mbretërit morën epërsinë, me golin e shënuar nga Brahim Diaz, i cili nga afër gjeti rrjetën për 2-1.

Pas tre minutash, Kylian Mbappe që ishte në formë të lartë, arriti të shënojë për 3-1, duke i dhënë drejtim sfidës.

Në minutën e 43-të, Mbappe shënoi edhe njëherë, por që goli u anulua për pozitë jashtë loje.

Me të filluar pjesa e dytë, Rodrygo shënoi për 4-1, duke e hipotekuar fitoren e Real Madridit.

Golat e bukur të Jude Bellingham dhe Fede Valverde në vazhdim u anuluan për pozitë jashtë loje.

Kjo fitore e kthen Real Madridin në vendin e parë me 46 pikë, dy më shumë se Atletico Madridi dhe shtatë më shumë se Barcelona