Real Madridi ka hyrë fuqishëm në tregun e transferimeve, pas disa sezonesh pa blerje të mëdha.

Pasi siguroi shërbimet e Kylian Mbappe, tashmë Florentino Perez po mendon për vitin e ardhshëm.

Presidenti i klubit madrilen do të synojë të afrojë në “Santiago Bernabeu” yllin e Bayer Leverkusenit, Florian Wirtz.

Në fakt, “Los Blancos” kanë gati ofertën prej 150 milionë eurosh për mesfushorin gjerman.

Real Madridi do të synojë që në verën e vitit të ardhshëm të sjellë në ekip edhe Wirtzin, kështu duke kompletuar një fazë të sulmit të çmendur.

“Marca” bën me dije se Real Madridi dhe Wirtz kanë një ‘marrëveshje’, me talentin gjerman që do të mbetet edhe një sezon në Gjermani, para transferimit në Spanjë në vitin 2025.

Edhe pse tashmë janë marrë vesh me lojtarin për kushtet personale, një marrëveshje me Leverkusenin ende nuk është në “horizont”, derisa ka edhe klube të tjera të interesuara për shërbimet e tij.

Wirtz është pjesë e skuadrës së Gjermanisë për “EURO 2024”, duke synuar titullin e kampionit në tokën e tij.