Real Madrid ka ende punë për të kryer sezonin e ardhshëm, por tashmë po mendon për hapat e ardhshëm gjatë verës së ardhshme. Politika e tyre për të afruar lojtarë të nivelit të lartë si lojtarë të lirë i ka vënë sërish në shënjestër të tyre Liverpoolin.
‘Los Blancos’ përfundimisht paguan 10 milionë euro për nënshkrimin e Trent Alexander-Arnold, por Liverpool u detyrua të dorëzohej pasi lojtari i kombëtares angleze kishte rënë dakord paraprakisht për një marrëveshje me Real Madridin.
Gjithashtu kanë qenë të vazhdueshme zërat që i lidhin madrilenët me qendërmbrojtësin Ibrahima Konate, i cili mbetet pa kontratë verën e ardhshme, dhe ai është në krye të listës së Realit për lojtarët që po i skadon kontrata.
26-vjeçari deri tani ka refuzuar ofertat e rinovimit nga Liverpooli dhe, sipas Sky Sports, Konate u ka dhënë dritën jeshile drejtuesve të Real Madridit për të nisur negociatat me përfaqësuesit e tij.
‘Los Blancos’ tashmë janë në dijeni se Konate është i prirur për një transferim në kryeqytetin spanjoll, duke ia bërë të qartë këtë dëshirë disa ndërmjetësve.
Reali ka nisur tashmë një proces rinovimi në repartin defensiv, me shfaqjen e Raul Asencio dhe transferimin prej 60 milionë eurosh të Dean Huijsen.
Mbrojtësi veteran David Alaba nuk bën më pjesë në planet afatgjata të klubit, ndërsa kontrata e Antonio Rudiger skadon verën e ardhshme.
Ka gjithashtu dyshime nëse Eder Militao do të arrijë të rikuperohet plotësisht pas dëmtimeve të përsëritura të ligamentit të gjurit, çka bën që Reali të kërkojë të jetë i mbuluar mirë në repartin defensiv përtej sezonit të ardhshëm.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
