David Alaba ka pas të rikthehet nga lëndimi pas ndeshjeve ndërkombëtare në fund të tetorit, por një gjë e tillë duket e pamundur.

Qendërmbrojtësi austriak nuk është rikuperuar aq shpejt sa pritej fillimisht dhe ka ende nevojë për disa stërvitje individuale për të përmirësuar gjendjen e tij në ndeshje.

Real Madridi tani pret që ai të kthehet në aksion në janar (2025) në afatin kalimtar të dimrit.

Por klubi nuk ka ndonjë plan aktual për të nënshkruar me një qendërmbrojtës të ri në afatin kalimtar të dimrit.

Edhe pse mbrojtësi austriak është dukur mirë në seancat stërvitore individuale javët e fundit, Los Blancos nuk duan ta rikthejnë atë me nxitim dhe rrezikojnë të lëndohet sërish.

Alaba mori një dëmtim të tmerrshëm në gju në dhjetor 2023. Nëse ai kthehet në fushë në janar 2025, kjo do të shënojë 13 muaj mungesë.

Real Madridi mbetet i varur nga Eder Militao dhe Antonio Rudiger për të vazhduar të jenë partneriteti i tyre qendërmbrojtës për shkak të mungesës së opsioneve cilësore veç tyre.