“Kur vizatoj ndjehem mirë. Nuk mendoj për asgjë tjetër”. Kështu e nisë rrëfimin Fahradi. Ai është 10 vjeç dhe vjen nga Afganistani. Ai jeton në një qendër refugjatësh në Serbi.

“Vetëm të pikturoj është diçka shumë e lehtë për mua dhe që mund ta bëj:, vazhdon rrëfimin ai.

Mediet në Serbi e kanë emërtuar si “Pikaso i vogël”.

“Këtu është Afganistani dhe këtu një shtet tjetër. Këto janë gjëra të ndryshme në mes njerëzve tjerë dhe njerëzve në Afganistan”, shpjegon ai një pikturë të tij në të cilën e ka paraqitur një femër gjysmë të mbuluar në fytyrë.

Ai ka bërë një portret të kancelares Angela Merkel.

“Ajo është zonja që e hap kufirin për refugjatët që të vijnë në Evropë”, e përshkruan ai kancelarin gjermane.

Familja e Farhad thotë se kanë ikur nga militantët talibanë. Ata kanë qenë këtu për gjashtë muaj, por duan të shkojnë në Evropën Perëndimore, shkruan REL.

Ëndrra e Fahrad është të studiojë artin.

“Dëshiroj të shkoj diku ku mund të mësojë të pikturoj më mirë. Kështu mund të përdor talentin tim”, ka përfunduar ai.

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja