Asambleja Komunale e Suharekës ka refuzuar për herë të dytë miratimin e rregullores për shpronësim, duke shkaktuar reagime të ashpra nga përfaqësues të kompanive ndërtimore që veprojnë në këtë komunë, shkruan Insajderi.

Arben Gega nga kompania “Ink Group” ka kritikuar ashpër vendimin e asambleistëve, duke thënë se me këtë refuzim është penguar një proces që do të përfitonte vetë komuna dhe qytetarët e saj.

“Asambleistët e Komunës së Suharekës, sot për herë të dytë votuan kundër që Komuna e Suharekës të jetë e para në Kosovë që të ketë rregullore të shpronësimit”, ka shkruar Gega në Facebook.

Ai tha se rregullorja kishte për qëllim mundësimin e hapjes së rrugëve të reja dhe ofrimin e koeficientëve ndërtimor për kompanitë ndërtuese, duke përfituar në këtë mënyrë të dyja palët – komuna dhe bizneset.

“Në këtë rast përfituesi ma i madh do të ishte Komuna e Suharekës dhe qytetarët e saj. Por aq ju ban për këtë punë njerëzve që thirren në mbrojtje të interesave të qytetarëve”, shtoi ai.

Ai përmendi se mbi 10 kompani janë duke pritur miratimin e kësaj rregulloreje, ndërsa kritikoi subjektet politike që votuan kundër.

“LDK që thirret si parti institucionaliste dhe VV që i mbron interesat e qytetarëve sot pikërisht votuan kundër interesave të qytetarëve dhe të Komunës së Suharekës”, u shpreh Gega teksa shkroi “marre”.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!