Pas një përballje spektakolare në maj të këtij viti në Riad, ku Usyk arriti të mposht Fury-n, dyshja e boksierëve do të rikthehet në ring këtë të shtunë 21 dhjetor, duke u përballur përsëri në një sfidë që premton të jetë po aq emocionuese. Kjo ndeshje ka jo vetëm një ngarkesë sportive, por edhe një rëndësi të madhe financiare, pasi pritet të prodhohen plot 190 milionë dollarë nga kjo përballje.

Ndryshe nga ndeshja e parë, ku Fury mori 70% të të ardhurave, tani do të ketë një ndarje të ndryshme: 55% për Usyk dhe 45% për Fury, pasi ukrainasi është kampion bote. Ky ndryshim ka shkaktuar një rënie të ndjeshme të përfitimeve për Fury-n, pas humbjes që pësoi në maj.

Sa i përket biletave për të gjithë të apasionuarit që do ta ndjekin nga afër, ato nisin nga 100 euro, por shkojnë afro 50 mijë, për ata të cilët duan të vendosen rreth e rrotull ringut ku ndeshen dy boksierët.