Bordi i Radio Televizionit Publik të Kosovës ka miratuar rekomandimin e drejtorit të përgjithshëm të RTK-së, për emërimin e Rilind Gërvalla në pozitën e drejtorit të TV publik.

Kështu ka konfirmuar për Gazetën Insajderi, Besnik Boletini, kryetari i Bordit të RTK-së.

“Bordi i RTK-së me tetë vota për dhe asnjë kundër, ka miratuar rekomandimin e drejtorit të përgjithshëm të RTK-së, për emërimin e z. Rilind Gërvalla në pozitën e drejtorit të kanalit shqip të RTK-së (RTK1, 3, 4)”.

Lexo edhe:

Ndërkohë, Gërvalla i kontaktuar nga Gazeta Insajderi, ka thënë se ende nuk e ka marrë konfirmimin zyrtar nga menaxhmenti i televizionit.

Gërvalla punon që 23 vjet në Radio Televizionin e Kosovës.