Rogozin: Rusia mund të shkatërrojë të gjitha vendet e NATO’s për gjysmë ore

Kreu i agjencisë hapësinore të Kremlinit, Dmitry Rogozin, u shpreh i bindur se Rusia mund të shkatërrojë të gjitha vendet e NATO’s ‘për gjysmë ore’.

“Në një luftë bërthamore, vendet e NATO’s do të shkatërrohen nga ne brenda gjysmë ore. Por ne nuk duhet ta lejojmë atë, sepse pasojat e shkëmbimit të sulmeve bërthamore do të ndikojnë në gjendjen e Tokës sonë. Prandaj, ne do të duhet ta mposhtim këtë armik më të fuqishëm ekonomikisht dhe ushtarakisht me mjete të armatosura konvencionale”, tha Rogozin.

Një nga miqtë më të afërt të Vladimir Putinit po ashtu tha se qëllimi i Rusisë është të mposhtë Perëndimin ‘armik’ dhe të fshijë Ukrainën nga harta.

“Vetë ekzistenca e një Ukraine të ndarë nga Rusia do ta kthejë atë në mënyrë të pashmangshme në anti-Rusi dhe një trampolinë të Perëndimit për agresion kundër popullit tonë. Ne po çlirojmë Ukrainën nga okupimi i NATO-s dhe po largojmë armikun më të keq nga kufijtë tanë perëndimorë”, tha ai.

Paralajmërimi i Rogozin se bota duhet të shmangë luftën bërthamore erdhi teksa armët termonukleare u shfaqën nëpër Sheshin e Kuq të Moskës, pasi që Rusia po përgatitet për paradën e saj të ‘Ditës së Fitores’, për të përkujtuar fitoren e ish-Bashkimit Sovjetik ndaj Gjermanisë naziste më 1945.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur