Cristiano Ronaldo ka arritur një marrëveshje me Al Nassr për të vazhduar qëndrimin e tij te klubi saudit, megjithëse ende po diskutohet gjatësia e kontratës, e cila mund të zgjasë deri në dy vjet.

Sipas Fabrizio Romanos, Ronaldo ka rënë dakord të rinovojë kontratën me Al Nassr, ndërsa marrëveshja aktuale i përfundon më 30 qershor.

I vetmi detaj që mbetet për t’u përcaktuar është kohëzgjatja e kontratës – një sezon është i garantuar, por zyrtarët sauditë po përpiqen që ajo të zgjatet deri në vitin 2027.

Ky është një vendim i rëndësishëm për ligën saudite. Në dhjetor të vitit 2022, Ronaldo ishte ylli i parë i madh që pranoi ofertën e Fondit të Investimeve Publike (PIF) dhe u transferua në Riad, por aventura te Al Nassr nuk ka qenë krejtësisht e suksesshme.

Pavarësisht se ka shënuar një numër të madh golash (99 në 111 ndeshje), ai ende nuk ka arritur të fitojë ndonjë trofe të madh, gjë që ka nxitur spekulime për një largim të mundshëm.

Megjithatë, tashmë duket se kjo nuk do të ndodhë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!