Ministrja në detyrë e Industrisë, Ndërmarrësisë dhe Tregtisë, Rozeta Hajdari, ka publikuar një reagim në Facebook, duke u ankuar për një përballje që e kishte pasur në qendër të Prishtinës me një gazetar që, sipas saj, nuk ishte prezantuar dhe i kishte bërë pyetje “me presion”, shkruan Insajderi.

Sipas Hajdarit, personi në fjalë e kishte ndalur në rrugë dhe e kishte pyetur lidhur me mosnënshkrimin e një kontrate me një operator ekonomik – por ajo nuk ofroi asnjë sqarim konkret se për çfarë kontrate bëhet fjalë, përkundër që tema lidhet drejtpërdrejt me përgjegjësitë e saj institucionale.

“Sot një person me sjellje jo profesionale, pa u prezantuar se kush është apo cilën organizatë përfaqëson, më zuri rrugën në shesh, duke më bërë pyetje me presion për mosnënshkrim të një kontrate,” shkroi ajo në Facebook.

Ministrja tutje u përpoq të relativizojë rastin, duke thënë se në ministrinë që drejton ka shumë kontrata dhe ajo “nuk e kishte parasysh për cilën bëhej fjalë”.

Megjithatë, në vend që të shfrytëzonte rastin për transparencë, ajo zgjodhi të diskreditonte personin që kërkonte përgjigje dhe të mos përmendte aspak përmbajtjen e pretendimit.

“Natyrisht unë vazhdova ecjen, edhe pse ai me veprimet e sjelljet e tij jo etike, më pengoi edhe gjatë ecjes sime nëpër shesh, afër ndërtesës së Qeverisë. Kjo padyshim që s’ka të bëj asgjë me gazetarinë etike e profesionale”, ka shkruar Hajdari./Insajderi

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!