Senati i Meksikës shpërtheu në dhunë të mërkurën me grushte, shtyrje dhe britma, pasi një udhëheqës i partisë opozitare kapi presidentin e dhomës ndërsa seanca po përfundonte.

Alejandro “Alito” Moreno, kreu i Partisë Revolucionare Institucionale (PRI) të opozitës, iu drejtua presidentit të senatit Gerardo Fernandez Norona, të partisë në pushtet Morena, ndërsa ligjvënësit po këndonin himnin kombëtar për të shënuar fundin e seancës dëgjimore të ditës, transmeton Telegrafi.

Sherri shpërtheu pas një “debati të vështirë” në lidhje me praninë e forcave të armatosura nga vende të tjera në Meksikë, tha më vonë Fernandez Norona në një konferencë për shtyp.

Në videon e transmetuar drejtpërdrejt, Moreno mund të shihej duke iu afruar Fernandez Norona, duke thënë vazhdimisht: “Po ju kërkoj të më lini të flas”, duke kapur Fernandez Norona për krahu.

“Mos më prek”, përgjigjet Fernandez Norona.

Më në fund, të dy fillojnë të shtyjnë njëri-tjetrin, me Morenon që rrëzon një fotograf gjatë këtij procesi.

Një ligjvënës tjetër hyri gjithashtu në përleshje, duke u përplasur me Fernandez Norona ndërsa ky përpiqej të largohej.

“(Moreno) filloi të më tërhiqte, të më prekte, të më shtynte. Ai më goditi dhe tha: ‘Do të të rrah deri në fund, do të të vras’”, tha Fernandez Norona.

Gjithashtu theksoi se do të thërriste një seancë urgjente për të premten dhe do të propozonte përjashtimin e Morenos dhe tre ligjvënësve të tjerë të PRI-së, për shkak të përleshjes.

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”