Ministria e Jashtme e Azerbajxhanit ka postuar në llogarinë e saj zyrtare në “X” një video nga aeroplani që u rrëzua të mërkurën në Kazakistan, në të cilën dëgjohet zëri i stjuardesës Hokuma Aliyeva (33).
Në përshkrimin e videos thuhet se regjistrimi u publikua në mënyrë që “zëri i Hokuma-s, e cila shërbeu profesionalisht, të mos harrohet kurrë”.
“Zëri i Hokuma Aliyeva-s, e cila shërbeu profesionalisht deri në minutën e fundit të rrëzimit tragjik të avionit, duke siguruar pasagjerët se ‘gjithçka do të jetë në rregull’ nuk do të harrohet”, thuhet në përshkrim, shkruajnë mediat e huaja, përcjell Telegrafi.
Ndërkohë nëna e saj ka treguar se Hokuma punonte për AZAL që nga viti 2016.
“Hokuma ishte një person i lumtur. Ajo kishte vizituar shumë vende dhe gjithmonë na thoshte të jemi krenarë për të. Një herë, pasi u kthye nga një udhëtim, ajo tha se aeroplani i tyre për pak sa nuk u rrëzua… Këtë herë, përplasja ndodhi dhe vajza ime nuk mundi të mbijetonte”.
The voice of Hokuma Aliyeva, who professionally served to the very last minute of the tragic aircraft crash, assuring passengers that "everything will be fine," will not be forgotten.
Today, nationwide day of mourning in remembrance of the tragedy's victims is observed.
Allah… pic.twitter.com/E73u5jxRut— Azerbaijan 🇦🇿 (@Azerbaijan) December 26, 2024
Kujtojmë se më shumë se 30 persona humbën jetën, kur një aeroplan azerbajxhanas u rrëzua në Kazakistan.
Ndërkohë 29 persona mbijetuan.
Shkaku i aksidentit mbetet i panjohur por shoqëria e fluturimit, Azerbajxhani Airlines dhe Autoriteti Rus i Aviacionit Civil thanë se informacionet paraprake sugjeronin se piloti vendosi të bënte një ulje emergjente pasi aeroplani u godit nga një zog.
Nga ana tjetër, presidenti i Azerbajxhanit, Ilham Aliyev tha se sipas informacioneve të tij, avioni ka ndërruar itinerar për shkak të motit të keq.
Aeroplani u ngrit nga kryeqyteti i Azerbajxhanit Baku në mëngjes dhe ishte planifikuar të fluturonte rreth një orë për në Grozny në republikën ruse të Çeçenisë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
