Kryeministri në detyrë, Albin Kurti, ka vizituar sot Bashkësinë Islame të Kosovës me rastin e festës së Kurban Bajramit, i shoqëruar nga disa anëtarë të kabinetit të tij, përfshirë zëvendëskryeministren Emilia Rexhepi dhe Besnik Bislimin. Por atmosfera festive mori një kthesë ironike në momentin që Myftiu Naim Tërnava foli për bllokadën politike në vend.

“Desha t’i ftoj të gjithë deputetët e parlamentit ta prejmë nga një kurban. Ndoshta po ju shkon mbarë e mirë. Ndoshta hapen rrugët.”, tha Tërnava para mediave.

Duke përmendur rënien e natalitetit në Kosovë, ai tha se kishte propozuar që qytetarët me katër apo pesë fëmijë të përfitonin nga një banesë, për të nxitur rritjen e popullsisë.

Kurti nuk e la pa koment këtë batutë të myftiut, duke iu përgjigjur me një thumb ironik: “Deputetëve rrogat po ju ecin…”

“Najfarë mësyshi e keni…“, ia kthehu myftiu.

Polemika e lehtë vazhdoi edhe me një ndërhyrje drejtuar zëvendëskryeministrit Besnik Bislimi, të cilit Tërnava iu drejtua me pyetjen:

“Ty si po të shkojnë bisedimet atje?”, duke aluduar në procesin e dialogut Kosovë-Serbi. Bislimi u përgjigj me të qeshur: “E kemi gjetë njëfarë mesi…”, ndërsa pjesa tjetër e deklaratës së tij nuk u kap nga mikrofonët.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!