Rusia mund të godasë me bomba bërthamore anëtare të NATO-s, ka deklaruar të martën një zyrtar i lartë i sigurisë ruse.

Dmitry Medvedev, ish-kryeministër i Rusisë dhe aktualisht zëvendës i Këshillit rus të Sigurisë, ka deklaruar se vendet e reja anëtare të NATO-s, përfshirë Suedinë dhe Finlandën, mund të sulmohen me armë bërthamore në rast të ndonjë konflikti.

“Statusi që ua dhanë atyre (Finlandës dhe Suedisë) me mbrojtje ndërkombëtare,  u dha atyre pozitë gjeopolitike dhe shumë faktorë të tjerë”, ka thënë Medvedev.

“Tash ato janë pjesë e bllokut armiqësor ndaj nesh që do të thotë se automatikisht bëhen cak i forcave tona të armatosura, përfshirë sulme hakmarrëse dhe madje edhe me përbërës bërthamor ose masa prevendive brenda kornizës së doktrinës tonë ushtarake”, ka shtuar ai.

Medvedevi njihet si njëri prej rusëve më kundërperëndimor, duke përsëritur se Rusia mund të reagojë me bomba bërthamore ndaj Ukrainës së përkrahur nga Perëndimi.

Komentet e tij vijnë pasi Vladimir Putin njoftoi armëpushimin e befasishëm prej tre ditësh në luftën në Ukrainë për shkak të festës për fundin e Luftës së Dytë Botërore.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!