Ministri i jashtëm rus Sergej Lavrov ka dënuar sulmet mediale ndaj Rusisë dhe ka thënë se këto sulme po bëhen me qëllim për të prishur imazhin e Rusisë në rajon dhe destabilizimin e situatës në Maqedoni, ka thënë një zyrtar i Ministrisë së Jashtme të Rusisë.

Lavrov ka ngelur i pakënaqur nga raportimet e medieve ku citohet ai të ketë thënë se është pro idesë për ndarjen e Maqedonisë, shkruan sot agjencia e lajmeve Tass.

“Lavrov nuk ka bërë deklarata të tilla, por në të kundërtën – vendosmërisht ka dënuar sulmet e tilla të informacionit. Është e qartë se ky lajm i rremë është një provokim i qartë, qëllimi i së cilës është që të dëmtojnë imazhin e Rusisë në rajonin e Ballkanit dhe të përshkallëzohet më tej situata në Maqedoni”, ka thënë Ministria e Jashtme ruse.

Ministria e Jashtme ruse ka thënë se ndarja e Maqedonisë nuk është ide që mbështetet nga Rusia.

Kongresmeni amerikan, Dana Rohrabacher tha javën e kaluar se “Maqedonia nuk është një shtet” dhe se ajo duhet të ndahet ndërmjet Shqipërisë dhe Bullgarisë. /Insajderi.com

Publikohet letra e kongresmenit amerikan dërguar Nikoliqit për shkëmbim territoresh