Roskomnadzor, enti qeveritar rus për kontrollin e mediave dhe telekomunikimeve, ka njoftuar se u ka kërkuar furnizuesve të internetit bllokimin e rrjetit social Linkedin, i njohur për kontaktet profesionale.
Më 10 nëntor, një gjykatë në Moskë rrëzoi kërkesën e Linkedin kundër bllokimit dhe rrjedhimisht autoriteti mbikëqyrës ka nisur procedurat e mbylljes.
Roskomnadzor akuzon rrjetin social se ka shkelur ligjin për trajtimin e të dhënave personale duke mos arkivuar ato të abonentëve të tij në territorin rus.
Linkedin u ble nga Microsoft qershorin e kaluar për 26.2 miliardë dollarë, blerja më e madhe nga ana e kolosit të Redmond.
Rrjeti social për profesionistët është themeluar në vitin 2002 dhe sot numëron mbi 400 milionë abonentë në të gjithë botën.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
