Edicioni i ri i turneut, tani i revolucionarizuar nga ky sezon do të ketë 36 skuadra pjesëmarrëse që sot mësuan shortin.  

Risia më e rëndësishme ka të bëjë me fazën e parë, e cila nuk përfshin më tetë grupe me nga katër skuadra secila, por një grup të vetëm me skuadrat që luajnë tetë ndeshje kundër po aq kundërshtarëve të ndryshëm. 

Pikët e fituara në ndeshje do të jenë pjesë e një renditje e vetme, me tetë skuadrat e renditura më të mira që shkojnë në raundin e 16-të, ndërsa skuadrat nga vendi i 9-të deri në vendin e 24-të do të luajnë një playoff shtesë. Skuadrat nga vendi i 25-të në vendin e 36-të eliminohen. 

Sa pikë nevojiten për të arritur të paktën vendin e 24-të dhe për të shkuar në play-off? Dhe sa për të arritur në tetë më të mirët dhe direkt në raundin e 16-të?  

Faqja e internetit  Football Meets Data  ka krijuar 10 mijë simulime të fazës së parë të Ligës së Kampionëve, për të kuptuar se sa pikë mund të nevojiten për të arritur këto objektiva.  

Ka shumë të ngjarë që 9 pikë në renditje (tre fitore, ose dy fitore dhe tre barazime, ose një fitore dhe gjashtë barazime) të mjaftojnë për të siguruar një vend në play-off.  

Probabilitet që bëhet pothuajse i sigurt është me të paktën 10 pikë, ndërkohë që vetëm në 1% të rasteve duhen 11 pikë për të ecur përpara. 

Për të kaluar në tetë pozicionet e para, të cilat japin akses të drejtpërdrejtë në raundin e 16-të, në këtë rast simulimi përcakton se nevojiten 15 pikë në 42% të rasteve për të hyrë në këtë grup .  

Një probabilitet që bëhet pothuajse i sigurt me të paktën 16 pikë , ndërkohë që vetëm në pak më shumë se 3% të rasteve nevojiteshin 17 pikë ose më shumë për të arritur në vendin e tetë. /Telegrafi/