Në dokumentarin “Koloneli”, i shfaqur nga televizioni Dukagjini, Berisha ka pranuar se ka pasur disa herë takime me Krasniqin dhe se ka ndërmjetësuar në takime me ish-krerët e UÇK-së në mënyrë që të dy formacionet, FARK dhe UÇK, të bëhen me një komandë, gjë që e kërkonte me ngulm edhe vetë Ahmet Krasniqi.

“Ahmet Krasniqin e ekzekutojnë në prag të derës ku banonte Policia sekrete kombëtare – sigurimi i shtetit”, deklaroi Berisha.

Kolonel Ahmet Krasniqi, u vra në mes të Tiranës, diku në zonën e ish-shtëpisë së Partisë Komuniste, në 21 shtator të vitit 1998, pak para mesnate. /Insajderi.com