Në një intervistë për RTV Dukagjinin, Sali Berisha është pyetur rreth konceptit të ashtuquajtur “komb kosovar”, derisa ka thënë se krijimi i kombit kosovar ka qenë një “marrëzi e Titos”, ish-liderit komunist të Republikës Federative të Jugosllavisë.

“Është një marrëzi e Jugosllavisë së Titos. Këta që pretendojnë për kombin kosovar, këta janë kryekëput gjak titist jugosllav”, ka thënë ai, njofton Insajderi.

Ish-Kryeministri, tani deputet i Partisë Demokratike në Kuvendin e Shqipërisë, ka thënë se edhe standardizimi i gjuhës shqipe duhet të ndryshojë.

Ai ka thënë se standardizimi i gjuhës shqipe në vitin 1972 është imponuar nga regjimi komunist i udhëhequr nga Enver Hoxha. /Insajderi.com

https://www.youtube.com/watch?v=9RBH8E_kiOk