Deputeti i Lëvizjes Vetëvendosje, Salih Salihu, ka hedhur përsëri gaz lotsjellës në seancën e Kuvendit të Kosovës.
Kjo është hera e dytë që sot ai ka bërë një gjë të tillë. Për shkak të gazit lotsjellës që e hodhi më herët, Kuvendi i Kosovës shkoi në një pauzë prej rreth gjysmë ore.
Megjithatë, seanca nuk është ndërprere kësaj radhe. Deputetët janë duke vazhduar fjalën e tyre.
Pastrimi i ajrit është duke u ndihmuar nga disa ventilatorë të vendosur në sallë.
Deputetja e LDK-së, Alma Lama, ka thënë se është për keqardhje dhe skandaloze që seanca të mbahet në kushte të tilla “për shkak të papërgjegjësisë së atyre” që e kanë hedhur gazin lotsjellës./Insajderi
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
