Samir Shahini është emëruar Drejtori i Arsimit në Komunën e Prishtinës.

Lajmi është bërë i ditur nga kryetari i Prishtinës, Përparim Rama, shkruan Insajderi.

Rama tha se me një përvojë të gjatë dhe të pasur në fushën e menaxhimit arsimor dhe politikave edukative, Shahini pritet të sjellë një qasje të re dhe vizionare për përmirësimin e cilësisë së arsimit në kryeqytet.

“Për vite me radhë, ai ka kontribuar në projekte edukative dhe sociale, duke punuar ngushtë me organizata vendore dhe ndërkombëtare. Angazhimi i tij në analizën e politikave arsimore, ndërtimin e strategjive për zhvillim dhe trajnimet e specializuara për arsimtarët e bëjnë atë një profesionist të përgatitur për sfidat që e presin”.

Sipas Ramës, një nga objektivat kryesore të Shahinit në këtë rol do të jetë fuqizimi i reformave ekzistuese dhe ngritja e standardeve arsimore në të gjitha nivelet.

Më tutje Rama falënderime të veçanta i ka drejtuar Jehona Lushakut, e cila deri më tani ka mbajtur postin e Drejtoreshës së Arsimit.

Lushaku tani do të vazhdojë angazhimin e saj në një rol të ri, si deputete në Kuvendin e Kosovës.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!