Bekim Haxhiu, ish-deputet i Partisë Demokratike të Kosovës, ka folur për herë të parë pas mosrikthimit të tij në Kuvend. Ai tregoi se pavarësisht mungesës në listën e deputetëve të rinj, ka marrë një mbështetje të madhe nga qytetarët.

“Kam marrë 18 mijë e 600 vota, dhe kjo është një shifër që më bën të ndihem i nderuar e i vlerësuar nga qytetarët. Në fakt, jam votuar më shumë se shumë deputetë aktualë të partive të tjera, përfshirë Vetëvendosjen”, deklaroi Haxhiu.

Ai e cilësoi garën brenda PDK-së si shumë të fortë, duke theksuar se ka qenë një konkurrencë me njerëz të angazhuar dhe me vlera.

“Ishte një garë e ndershme, dhe nuk kam asnjë ankesë – votuesit kanë vendosur”, shtoi ai.

Sipas Haxhiut, një faktor që ka ndikuar në këtë rezultat është edhe ndryshimi i sistemit të votimit.

“Votat preferenciale kanë sjellë formimin e grupacioneve brenda partive, e unë s’kam qenë asnjëherë pjesë e tyre. Kam punuar me përkushtim dhe me dinjitet, pa u përfshirë në kalkulime të tilla”, përfundoi ai.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!