Ish presidenti i Kosovës, Famir Sejdiu, ka njoftuar se është nënshkruar në Librin e Zisë për nder të ish presidentit të Gjermanisë, Horst Kohler.

Sejdiu ka thënë se ka qenë i shoqëruar nga ambasadori gjerman në Kosovë, Jorn Rohde.

“I shoqëruar nga ambasadori i Gjermanisë në Kosovë, Jörn Rohde, gjatë ditës së sotme jam nënshkruar në Librin e Zisë, të hapur në Ambasadën e Republikës së Gjermanisë në Republikën e Kosovës, për nder të ish-Presidentit Horst Köhler.”

Sejdiu ka shtuar se e ka vlerësuar lart rolin e Kohler në udhëheqjen e shtetit gjerman në një periudhë tejet të rëndësishme.

Sejdiu ka thënë se derisa të dy ishin në të njëjtën kohë në pozitën e presidentit kishin bashkëpunim të një niveli të veçantë.

“Po kështu, theksova mbështetjen e tij për Kosovën dhe pavarësimin e saj si dhe zhvillimin e gjithmbarshëm në proceset e mëvonshme. Presidenti Köhler ishte një intelektual dhe burrështetas i veçuar, i cili shquhej për urtësinë e jashtëzakonshme duke lënë gjurmë të përjetshme. Duke qenë se të dy ishim në të njëjtën kohë në pozitën e presidentit, ai në Gjermani dhe unë në Kosovë,  bashkëpunimi me Presidentin Köhler ishte i një niveli të veçantë, ashtu siç ishte edhe mbështetja e tij për Kosovën dhe pavarësimin e saj.”

Ai ka bërë të ditur se i ka dërguar telegram ngushëllimi familjes së ish presidenti Horst Kohler.

“Ndërkaq, gjatë ditës së djeshme nëpërmjet Ambasadës së Republikës së Kosovës në Gjermani, familjes së ish-Presidentit Horst Köhler, i kam dërguar telegram ngushëllimi.”