Sekretariati i Etikës në Kuvendin e Shqipërisë ka vendosur që t’i përjashtojë me nga 10 ditë të 18 deputetëve të PD-së nga seancat plenare ndërsa deputetin Ervin Salianji e ka përjashtuar me 20 ditë.

Më herët, Partia Socialiste ka kërkuar përjashtimin e 19 deputetëve të PD-së të cilët kanë bllokuar punimet e Kuvendit të Shqipërisë dhe Komisionit të Posaçëm të Reformës Zgjedhore, shkruan euronews.al.

Në letrën e shkruar ku iu kishin drejtuar Sekretariatit të Etikës thuhej se ligjvënësit e opozitës bllokuan foltoren, shkaktuan kaos në sallë me anë të pajisjeve zhurmuese duke cenuar dhe penguar zhvillimin e rregullt të seancës.

Po ashtu, ata bllokuan dhe punimet e Komisionit të Posaçëm të Reformës Zgjedhore i planifikuar për t’u mbajtur fizikisht ditën e premte, duke i detyruar anëtarët e komisionit të vijonin punimet online.