Kryeministri i Kosovës, Albin Kurti, i është përgjigjur deputetit të AAK-së, Besnik Tahiri, në Kuvendin e Kosovës Shtëpinë e Bardhë dhe Departamentin amerikan të Shtetit.

Tahiri tha se Kurti “nuk i ka shkelur këmba në Shtëpinë e Bardhë dhe Departamentin amerikan të Shtetit”.

Ndaj kësaj deklarate reagoi Kurti, duke thënë se sekretarin amerikan të Shtetit, Antony Blinken, e ka takuar në departamentin amerikan të Shtetit, kurse Këshilltarin për Siguri Kombëtare, Jake Sullivan, në Shtëpinë e Bardhë.

“Sekretarin Blinken ku e kam takuar? Jake Sullivan, ku e kam takuar? Atë e kam takuar në Shtëpinë e Bardhë, ndërkaq sekretarin Blinken në State Department. Ne mund të diskutojmë për bindje dhe opinione të ndryshme, për mendime dhe qëllime të ndryshme, mirëpo nëse ju mohoni faktet, aty s’ka debat”, deklaroi Kurti. /Insajderi.org/