Kandidati për deputet nga Koalicioni për Familjen, Selim Pacolli, tha se Anamorava ishte dhe mbetet epiqendër dhe pikë e veçantë në historinë e Kosovës.

Ai ka theksuar se Gjilani është për familje.

“Vatra dhe konaku i hoxhë Hasan Masuricës e Sylë Zarbincës, Idriz Seferit, Mulla Idrizi Gjilanit e Hoxhë Lipovicës, Kadri Zekës e Nuhi Berishës, Agim Ramadanit e Abdullah Tahirit, dhe qindra Dëshmorëve dhe Martirëve të Kombit.

Veprimtaria dhe historia e tyre do të jenë udhërrëfyesi dhe motivi ynë kryesor që ne dhe brezat që vijnë pas t’i kemi shembull për zhvillimin e vendit dhe ruajtjen e vlerave e traditive tona”, tha Pacolli.