Selim Pacolli, nga Koalicioni për Familjen, në përmbyllje të fushatës zgjedhore për zgjedhjet e 9 shkurtit, ka dalë me një falënderim për përkrahësit.

Ai ka falënderuar qytetarët që e kanë mbështetur gjatë fushatës zgjedhore.

Ai ka kërkuar votën për “Koalicionin për familje”.

Ky është postimi i tij i plotë:

Faleminderit nga zemra çdo qytetari që ka besuar dhe kontribuar në Koalicionin për Familjen!

Fjala “faleminderit” është e vogël për të shprehur mirënjohjen që kam për secilin prej jush. Ju keni dhënë një kontribut të jashtëzakonshëm për një kauzë të rëndësishme, një fushatë dinjitoze dhe të fuqishme, dhe mbi të gjitha, keni menduar për mbrojtjen e Familjes, e cila është themeli i shoqërisë sonë.

Faleminderit secilit qytetar të Kosovës që kemi takuar, që kemi komunikuar, dhe për ata që na kanë mbështetur, qofshin këto aktivitete, mesazhe apo thirrje të ndryshme që kemi marrë. Kjo mbështetje është ajo që na jep forcë për të vazhduar përpara.

Ju jeni arsyeja pse ne do të jemi befasi në këto zgjedhje! Pa ju, kjo do të ishte një mision i pamundur, dhe unë do të jem gjithmonë mirënjohës për çdo hap që kemi bërë së bashku.

Jam thellësisht i emocionuar dhe mirënjohës për besimin që keni treguar, dhe e di që me ndihmën tuaj, do të arrijmë më shumë. Do të bëj gjithçka për t’ju përfaqësuar denjësisht dhe për të mbrojtur çdo interes dhe shqetësim tuajin në Parlamentin e Republikës tonë.

Votoni për Familjen, votoni numrin 129!

Votoni numrin 2 dhe një listë të pasur kandidatësh që janë të përkushtuar dhe meritojnë mbështetje!