Ish-deputeti i PDK-së, Ramiz Lladrovci, është emëruar ambasador në Tiranë, ku deri më tani ishte i ngarkuar me punë. Ish-deputetja e LDK-së, Teuta Sahatqija, është emëruar konsulle e përgjithshme në Neë York, ndërsa ish-deputetja e LDK-së, Nazane Breca, është emëruar ambasadore në Zvicër. Ish-ministri i Tregtisë dhe Industrisë nga AKR-ja, Bernard Nikaj, është dekretuar për ambasador në Belgjikë. Ndërkohë ish-anëtari i FER-it, Qëndrim Gashi, është emëruar ambasador në Francë.

Petrit Selimi, Ushtruesi i detyrës së ministrit të Punëve të Jashtme, i pyetur për këto emërime ka vlerësuar se janë bërë konform ligjit për shërbimin e jashtëm.

Sipas tij, 50 për qind e ambasadorëve të Kosovës nëpër botë janë të karrierës, ndërsa 50 për qind  janë politikë.

“Emërimet janë në kuadër të ligjit, pra nuk është kaluar 50%-shi i ambasadorëve politikë”, është përgjigjur Selimi.

Ndërkaq subjektet opozitare dhe njohësit e kësaj fushe kanë thënë për Gazetën Zëri se partnerët e koalicionit qeverisës po e shfrytëzojnë shërbimin e jashtëm për të akomoduar personat e afërt me këto parti. Sipas tyre, dërgimi i njerëzve partiakë nëpër misione diplomatike po e dëmton diplomacinë kosovare.

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”