Konfirmimi i kryetarit të Kuvendit se demarkacioni do procedohet në Kuvend në javën që vjen, ka bërë që opozita të bëhet gati që demarkacioni me Malin e Zi të mos kaloj.

Deputeti i Lëvizjes Vetëvendosje, Rexhep Selimi ,ka thënë sot se do të përdorin çdo mjet që demarkacioni të mos kaloj.

“As gazin lotsjellës nuk e përjashtoj as nuk mbështetëm vetëm në gazin lotsjellës, gazi është vetëm një mjet që do të duhej dhe që mund të përdorët kur është e nevojshme dhe e domosdoshme për të bërë një gjë të tillë andaj unë nuk e përjashtoj për formë dhe si metodë”, ka thënë Selimi.

Selimi u shpreh i sigurt që ajo seancë do të jetë e fundit e kësaj legjislature, pasi që siç tha ai pas kësaj seance vendi do të shkojë në zgjedhje.

“Seanca e fundit dhe pika e  fundit e rendit të ditës e këtij legjislativi do të jetë ajo e cila do të shkaktoj një situatë të re në politikën në Kosovë e cila do të qoj drejtë zgjedhjeve të parakohshme të Kosovës”, ka thënë Selimi për Tribuna Channel

Lidhur me demarkacionin, kryeministri, Mustafa dhe kryetari i Kuvendit, Kadri Veseli kanë biseduar dje me zëvendës/ndihmës sekretarin amerikan të shtetit të SHBA-ve, Brian Hoyt Yee, ku kërkohej  që demarkacioni të ratifikohej sa më shpejt./Insajderi.com