Një veturë me targa serbe është ndaluar në Bistricë të Leposaviqit, pasi e njëjta dyshohet të ketë hyrë në territorin e Republikës së Kosovës përmes rrugëve alternative.

Sipas Policisë, rasti ka ndodhur dje rreth orës 18:00.

Vetura po drejtohej nga një shtetas serb, i cili u mor për intervistim nga njësitet përkatëse, pas intervistimit në konsultim me prokurorin është liruar në procedurë të rregullt.

“Fsh. Bistricë, Leposaviq 16.08.2023 – 18:00. Njësiti policor ka ndaluar veturën me targa të Serbisë të cilën kishte qenë duke e drejtuar i dyshuari mashkull shtetas i Serbisë i cili përmes rrugëve alternative jashtë vendkalimeve kufitare nga territori i Serbisë ka hyrë në territorin e Kosovës. I dyshuari pas intervistimit në konsultim me prokurorin është liruar në procedurë të rregullt”, thuhet në raportin e PK-së.

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja