Ylli kolumbian Shakira ka anuluar koncertin e saj të planifikuar në kuadër të ngjarjes WorldPride në Washington, duke shënuar kështu anulimin e tretë brenda pak ditësh për shkak të komplikimeve të lidhura me prodhimin skenik.

Këngëtarja 48-vjeçare ishte planifikuar të performonte sot në stadiumin Nationals Park, por organizatorët konfirmuan një ditë më parë se koncerti nuk do të mbahej. “Për shkak të komplikimeve të ndodhura gjatë koncertit të kaluar në Boston, nuk është e mundur që e gjithë struktura e turneut të transportohet në kohë në Washington për performancën e planifikuar të Shakirës më 31 maj. Pavarësisht përpjekjeve maksimale, koncerti nuk mund të realizohet siç ishte parashikuar”, thuhej në njoftimin zyrtar.

Ky anulim në Washington vjen menjëherë pasi dy koncertet e Shakirës në Fenway Park në Boston u ndërprenë papritur këtë javë. Ajo pritej të performonte atje të enjten dhe të premten, por të dyja netët u anuluan pas një inspektimi rutinë sigurie.

Sipas autoriteteve lokale, komponentë të skenës nuk përmbushnin standardet strukturore të kërkuara, duke ndalur përgatitjet vetëm disa orë para fillimit të koncertit. Edhe pse këto probleme fillimisht u evidentuan vetëm në Boston, duket se tashmë ato kanë ndikuar në axhendën më të gjerë të turneut.

Ekipi i produksionit të Shakirës, sipas raportimeve, ka pasur vështirësi në zhvendosjen e skenës dhe pajisjeve kryesore në kohë për performancën në Washington.

Megjithatë, ndonëse në komunikatat për shtyp si arsye përmenden problemet teknike, anulimet vijnë jo shumë kohë pas një incidenti të çuditshëm gjatë një performance të Shakirës në Montreal, ku ajo u rrëzua në skenë në mënyrë të papritur.

Turneu “Las Mujeres Ya No Lloran” nisi më 11 shkurt në Rio de Janeiro. Pas dy koncerteve të para, një nga datat në Estadio Nacional në Lima (Peru) u shty për shkak të shtrimit të saj në spital nga probleme në stomak. Më pas, në mars, u anuluan edhe dy koncerte në Kili për shkak të vështirësive me organizimin skenik.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!