Deputeti i Partisë Demokratike të Kosovës ka njoftuar se nga data 14 qershor, në minierën e Stantërgut është ndërprerë procesi i punës.

Shala thotë se është e habitshme se si menaxhmenti i kësaj ndërmarrje dhe qeveria, mundohen ta mbajnë të fshehur këtë çështje.

“Ky veprim paraqet shkallë të lartë të humbjeve ekonomike për ndërmarrjen Trepça, e njëkohësisht edhe shkallë të lartë të rrezikut për gjendjen e përgjitshme për sigurinë në minierë”, ka shkruar ndër të tjera Shala.

Shkrimi i plotë:

Trepça ndërpret punën.

Nga data 14 Qershor 2024, në minierën e Stantërgut është ndërprerë procesi i punës.

E habitshme dhe e paspjegueshme se si Menaxhmenti i kësaj ndërmarrje dhe Qeveria, mundohen ta mbajnë të fshehur çështjen e ndërprerjes së punës. Ky veprim paraqet shkallë të lartë të humbjeve ekonomike për ndërmarrjen Trepça, e njëkohësisht edhe shkallë të lartë të rrezikut për gjendjen e përgjitshme për sigurinë në minierë.

Tashmë po vërtetohet që kjo Qeveri jo vetëm që nuk ka kuadro, por nuk ka plan e as ide për Trepçën dhe industrinë minerare.

Nëse vazhdohet me këtë logjikë të kësaj Qeverie, dëmet strategjike për sektorin dhe Trepçën do të jenë katastrofale!