Sot në Gurrakoc të Klinës iu dha lamtumira e fundit, reperit 42-vjeçar Mentor Palokajt, i cili u gjet i vdekur pak ditë më parë në një banesë në Prishtinë.
Në varrim mori pjesë edhe vëllai i tij, reperi Unikkatil.
Ai ka falënderuar të pranishmit që kanë shkuar në varrim, dhe tha se vëllai i tij ka qenë trim e sypatrembur.
‘‘Vëllai i jemi me siguri plot prej juve këtu i ka pas për zemre, garant e doni shumë. Faleminderit që keni ardh. Ishallah shihna me të në botën tjetër. Njeri trim, sypatrembur’’, ka thënë ai mes tjerash.
Ndërkohë, derisa njerëzit ishin duke u shpërndarë – disa persona u shanë dhe tentuan të kapen fizikisht mu para syve të Unikkatilit, për arsye që ende nuk dihen.
Por, njerëzit që ishin aty ndërhynë menjëherë dhe i ndanë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
