Disa iranianë dhe irakianë kishin planifikuar për të fluturuar të shtunën në Shtetet e Bashkuara, por ata u ndaluan pasi që presidenti i ShBA-së, Donald Trump, ka urdhëruar ndalimin për shtatë vende myslimane.

Irani e ka kritikuar vendimin e Trump dhe e ka quajtur “fyes”, shkruan Daily Sabah.

Të premten Trump nënshkroi një urdhër ekzekutiv gjithëpërfshirës të pezullojë ardhjen e refugjatëve nga Irani, Iraki, Libia, Somalia, Siria dhe Jemeni.

Vendimi i tij shkaktoi kritika të gjera ndërkombëtare.

Ndërsa disa udhwtarw që tashmë ishin në “ajër”, kur Trump nënshkroi urdhër për ndalim, u arrestuan në mbërritje, raportoi New York Times.

Në Teheran, dy agjencitë e udhëtimit “Etihad Airways” dhe “Turkish Airlines” ishin urdhëruar për të mos shitur bileta drejt ShBA-së.

Një iraniane e cili është studente në Kaliforni tha se ajo nuk mund të kthehet tani për shkak se bileta e saj ishte anuluar nën kufizimet e reja.

“Unë kisha një biletë të ‘Turkish Airlines’ për 4 shkurt, por ajo është anuluar”, ka treguar vajza e cila nuk ka dashur të identifikohet, shkruan Daily Sahba.

Presidenti iranian, Hassan Rouhani, nuk ka komentuar ndalimet e shtetasve të tij, mirëpo ka kritikuar presidentin Trump duke thënë se “nuk është koha për të ndërtuar mure midis kombeve”.

Ndërkaq në Shtetet e Bashkuara jetojnë më shumë se një milion iranianë.

Për këtë vendim të Trumpit ka reaguar edhe presidenti francez, Francois Hollande, ku tha se Evropa duhet të ketë një “përgjigje të fortë” ndaj Trump.

Përveë njerëzve civilë, vendimi i Trumpit e ka zemëruar edhe një nga aktoret më të njohura të Iranit, Taraneh Alidoosti e cila do të merrte pjesë në ceremoninë e ndarjes së çmimeve Oscar.

Ajo tha se do të bojkotojë ceremoninë e Academy Awards muajin e ardhshëm që do të mbahet në Los Angeles./Insajderi.com