Departamenti i Shtetit “me siguri u ka mohuar vizat” njerëzve që “iu gëzuan” vrasjes së Charlie Kirk, tha Sekretari i Shtetit i SHBA-së, Marco Rubio.

Komentet e diplomatit të lartë amerikan vijnë mes kërcënimeve nga administrata Trump për të ndëshkuar “gjuhën e urrejtjes” pas vrasjes së aleatit të presidentit amerikan javën e kaluar, raporton CNN.

Zëvendës Sekretari i Shtetit, Christopher Landau, tha javën e kaluar se kishte udhëzuar zyrtarët konsullorë, të cilët janë të përfshirë në vendimmarrjen për vizat, të “ndërmarrin veprimet e duhura” kundër njerëzve që “lavdërojnë, racionalizojnë ose e nënvlerësojnë” vdekjen e Kirk. Ai i udhëzoi zyrtarët konsullorë të monitoronin komentet në mediat sociale që pretendojnë se identifikojnë individë të tillë.

Rubio, në komentet para se të largohej nga Izraeli të martën në mëngjes sipas orës lokale, pretendoi se politika “nuk ka të bëjë vetëm me Charlie Kirk”.

“Nëse je i huaj dhe po i gëzohesh vrasjes së dikujt që po fliste diku, dua të them që nuk të duam në vend (SHBA)”, tha ai.

“Pse do t’i jepnim vizë dikujt që mendon se është mirë që dikush është vrarë në shesh? Kjo është logjika e shëndoshë për mua”, vazhdoi ai.

Rubio nuk dha detaje se sa viza ishin refuzuar deri më tani. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!