Tri ditë pas sulmit me raketahedhës në drejtim të objektit të Kuvendit të Kosovës, organet e sigurisë nuk kanë asnjë të dyshuar.

Policia e Kosovës ka vënë një shpërblim prej 10 mijë eurosh për qytetarët që japin informacion, e që pretendohet të shpejtojë hetimet për kapjen e autorëve.

Komisioni parlamentar për Punë të Brendshme, Siguri dhe Mbikëqyrjen e Forcës së Sigurisë së Kosovës, ka kërkuar informacion zyrtar për sulmin e fundit ndaj legjislativit nga Policia e Kosovës. Më kërkesë të këtij Komisioni të hënën (nesër) në orën 10:00, drejtori i përgjithshëm i Policisë, Shpend Maxhuni, pritet të raportojë në Komision.

Zëdhënësi i Policisë së Kosovës, Daut Hoxha, ka thënë për “Zërin” se Policia është duke punuar në mënyrë konsistente për zbardhjen e rastit. Ai ka thënë se deri më tash nuk kanë ndonjë dyshuar.

“Janë duke u vlerësuar faktet, rrethanat dhe koha në të cilën ka ndodhur sulmi, përveç trajtimit profesional të dëshmive që janë gjetur, PK ka ofruar edhe një shpërblim prej 10 000 eurosh për cilindo qytetar që ka sado pak informacione që mund të shpien në kapjen sa më të shpejtë të kryesve të këtij akti kriminal”, ka thënë Hoxha.

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër