Netflixi po e vë në testim një opsion të ri përmes së cilit mund ta kuptojë nëse një llogari e Netflixit po përdoret nga më shumë se një person.

Kjo erdhi pasi disa përdorues kanë thënë se e kanë parë në ekran një lajmërim që thoshte se “nëse nuk jetoni me pronarin/pronaren e kësaj llogarie, ju duhet llogaria juaj që të vazhdoni ta shikoni”.

Synimi është për t’i gjetur përdoruesit e palejuar, edhe pse një vendim final ende nuk është marrë nëse kompania do ta vë këtë rregull në fuqi.

Hapi i parë që ata pritet ta bëjnë është në Shtetet e Bashkuara të Amerikës dhe një gjë të tillë do ta provojnë që nga viti i ardhshëm.