Mot më i butë po parashihet për ditët e fundjavës, me temperatura ndjeshëm mbi vlera mesatare.  Priten edhe të reshura shiu, që ka gjasa të jenë më të vazhdueshme mbrëmjen e së shtunës duke kaluar në natën e së dielës.  Gjatë ditës së diel pasdite mund të ketë edhe rrebeshe shiu, aty këtu me bubullimë.

Ditën e hënë ndryshim i situatës.  Temperaturat pësojnë një rënie të ndjeshme, derisa reshjet e shiut deri në mbrëmje shndërrohen edhe në borë.  Reshjet e borës mund të formojnë shtresë dëbore edhe përgjatë pjesëve të ulëta nga rrafshi i Kosovës.  Ditën e martë me kthjellime, e të mërkurën reshje bore në mëngjes duke u përzier edhe me reshje shiu deri në mesditë.

Cilësia e ajrit mund të ketë përmirësim në fundjavë, ku kalon në indeks me vlera të pranueshme dhe të mira, e vetëm në periudha qetësie vlerat e çastit rriten në të dobëta.

10.12 – Kryesisht me vranësira, kohë pas kohe me riga lokale shiu.  Në mbrëmje reshje më të vazhdueshme shiu.

11.12 – Kryesisht me vranësira.  Pasdite priten edhe rrebeshe shiu, aty këtu të shoqëruara me ndonjë bubullimë.

12.12 – Më ftohtë, kryesisht vranët dhe me reshje shiu, që me rënie të temperaturës deri në mbrëmje shndërrohen edhe në reshje bore.

13.12 – Ngrica në mëngjes.  Ditën më shumë diell.

14.12 – Reshje bore priten herët në mëngjes duke u përzier me shi.  Ditën kryesisht me vranësira.

Temperaturat të larta në fundjavë, deri 13C e 14C maksimalet, e në fillim të javës zbresin në 2C e 3C.  Minimalet të martën zbresin edhe deri në -4C.

Në fundjavë era frynë e lehtë dhe mesatare nga juglindja 2-11m/s, e të hënën ndryshon drejtimin në verilindore, ku frynë me hove edhe deri në 15m/s.

Shtypja atmosferike pëson rënie të thellë nën vlera normale në fundjavë.