Manchester United ka shkarkuar Ten Hag nga pozita e tij e menaxherit të skuadrës

Në një deklaratë të lëshuar për media, klubi i njohur anglez ka lajmëruar shkarkimin e trajnerit.

“Erik ten Hag është larguar nga pozita e tij si menaxher i skuadrës së parë të Manchester United. Ne jemi mirënjohës për Erik dhe atë çfarë ka bërë ai gjatë kësaj kohe me ne, i dëshirojmë gjithë të mirat në të ardhmen”, thuhet në deklaratë.

“Ruud van Nistelrooy do ta drejtojë skuadrën si trajner i përkohshëm, i mbështetur nga skuadra e tanishme e trajnerëve, derisa në krye të skuadrës të vije një trajner i ri”.

🚨 OFFICIAL: Manchester United statement.

“Erik ten Hag has left his role as Manchester United men’s first-team manager. We are grateful to Erik for everything he has done during his time with us and wish him well for the future”.

“Ruud van Nistelrooy will take charge of the… pic.twitter.com/h6ikeHKQ3s

— Fabrizio Romano (@FabrizioRomano) October 28, 2024

“Fati nuk është në anën time”

Erik ten Hag ka thënë se është “duke i munguar fati” te Manchester United, pas humbjes 2-1 ndaj West Ham, që i ka bërë ata të bien në vendin e 14 në Premier League.

Kjo ishte humbja e katërt për “Djajtë e Kuq” në nëntë ndeshje këtë sezon. Megjithatë, Ten Hag ka mbajtur një qasje optimiste, duke besuar se skuadra e tij mund të përmirësohet, pasi ata po luajnë një futboll cilësor.

“Në këtë moment, padyshim që fati nuk është në anën time, por nuk është çështje e imja, është çështje e ekipit, dhe fatkeqësisht nuk është në anën tonë. Edhe sezoni i kaluar nuk ishte ndryshe, por në fund e kthyem situatën, dhe jemi të vendosur që do të ndodhë përsëri”, tha ai.

Ai theksoi se, nëse skuadra vazhdon të luajë siç ka bërë në ndeshjet e fundit, si ato ndaj Brentford dhe Fenerbahçe, ata do të kenë mundësi për të rikuperuar.

E ardhmja e Ten Hag në Old Trafford është nën vëzhgim pas fillimit të dobët të sezonit. Pronari i klubit mbajtën një takim për të diskutuar mbi të ardhmen e tij dhe ka pasur zëra për zëvendësimin e tij me ish-trajnerin e Barcelonës, Xavi. Ten Hag ka nënshkruar një kontratë të re që zgjat deri në vitin 2026, por rezultatet e dobëta mund ta vendosin atë në rrezik.

Në ndeshjen e ardhshme, Manchester United do të përpiqet të rikthejë formën e tyre të mirë në ndeshjen ndaj Leicester City në Kupën EFL.