Një shkollë në komunën e Podujevës, përkatësisht në fshatin Ballofc është shkatërruar gjatë mbrëmjes së kaluar nga disa persona, shkruan Insajderi.

Kjo u bë e ditur përmes një njoftimi në faqen e facebookut të këtij fshati.

Sipas njoftimit në fjalë, kjo nuk është hera e parë ku ndodh diçka e tillë, rast me të cilin tanimë po merret edhe policia.

“Mbrëmë persona te pandërgjegjshëm e kanë thyer shkollën fillore ‘Ali Ajeti’.

Kjo nuk është hera e pare qe ndodh një gjë e tille. Policia është ne kërkim të personave qe e kane bere këtë vepër të ulet”, thuhet në njoftim.

Gjithashtu, u bëhet thirrje prindërve që të kenë kujdes me fëmijët sidomos me ata të cilët qëndrojnë gjerë në orët e vona pran shkollës.

“I lusim të gjithë fshataret tanë qe te kenë kujdes me sjelljet e fëmijëve te tyre, sidomos atyre qe deri ne orët e vona qëndrojnë afër shkollës pasi qe kjo vepër ka ndodhur nga nxënës ose ish nxënës të shkollës sonë”, thuhet më tej në njoftim.

Gazeta Insajderi pa provuar të kontaktojë me policinë, por të njejtit deri në këto çaste nuk kanë kthyer përgjigje.