Shkrimtari i njohur turk, nobelisti Orhan Pamuk, do të vijë në Kosovë.

Lajmin e ka konfirmuar ministri i Kulturës, Rinisë dhe Sportit, Hajrulla Çeku, nëpërmjet një postimi në profilin e tij në rrjetin social facebook.

“Kënaqësi e veçantë ta presim në Kosovë shkrimtarin e madh turk, fituesin e Çmimit Nobel në Letërsi, Orhan Pamuk. I përkthyer në dhjetëra gjuhë, me miliona kopje të shitura, Pamuku është shpërblyer me shumë çmime në fushën e kulturës”, ka shkruar ministri Çeku.

Sipas agjendës ai do të jetë në Kosovë prej 24 deri më 26 maj.

“Për romanet e tij, paralelet midis së shkuarës dhe së tashmes, jetën e artistit dhe artin në përgjithësi, do të flasë vetë ai në Prishtinë”, ka shkruar ministri Çeku.

Ende nuk është zbardhur agjenda e aktiviteteve të shkrimtarit të madh gjatë qëndrimit të tij në Prishtinë.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur