Këngëtarja e njohur e këngëve popullore, Shkurte Fejza para disa viteve kishte shpërthyer kundër klasës politike. Gjatë një intervistë ajo kishte dhënë komente të ashpra për politikanët e Kosovës.

Madje ajo i kishte quajtur edhe ‘gangster’ udhëheqësit e vendit.

“Kosova ka pasur një fat të keq në udhëheqësi, sidomos pas luftës, djemtë më të këqij që i ka vendi janë në elitën udhëheqëse te Kosovës. Në përgjithësi ata që marrin vendime të mëdha në vendin tonë, janë për të ardhur keq, ata guxojnë, nuk pyesin, janë si gangster të them të drejtën”, kishte deklaruar Fejza.

Por, si duket këngëtarja tashmë e ka hequr nga lista e “gangesterëve”, ish kryeministrin e Kosovës, Ramush Haradinaj.

Në një postim të fundit, Shkurte Fejza ka falënderuar kryetarin e AAK’së, Haradinajn për pjesëmarrje në koncertin e saj për 50 vjetorin e rrugëtimin.

“Me respekt të plot ju falënderoj për pjesëmarrje në koncertin tim festiv të 50 vjetorit të rrugëtimit tim me këngën organizuar për nderë të ditës së çlirimit të vendit tonë dhe vlerësimin nga Ju, që keni bartur barrën e luftës dhe për liri si pak kush tjetër”.

Tutje ajo ka treguar se Haradinaj ka qenë mik i familjes në të gjitha momentet e kaluara.

“Rrugët tona të lirisë kanë qenë të pandara dhe ky vlerësim më bënë nderë dhe krenare ashtu siç thotë populli, i vlerësuari të vlerëson.Keni qenë mik i familjes tonë në të gjitha momentet e kaluara dhe kjo miqësi po brumoset edhe për të ardhmen me vlera të kulturës, luftës dhe sakrificës. Rruga jonë drejt të ardhmes së ndritëshme të Kosovës do të vazhdoj përgjithmonë të bashkuar me të gjithë ata që e duan këtë vend të bekuar. Respekte dhe konsiderata pa fund”, ka shkruar në fund Shkurte Fejza drejtuar Ramush Hradinajt, të cilin dikur e kishte futur në listën e “Gangserëve”.