Muhamed Zeqiri, Sekretari i Përgjithshëm i Qeverisë së Maqedonisë së Veriut është arrestuar. Mediat në Maqedoninë e Veriut raportojnë se ka përfundura marrja në pyetje e Zeqirit.

Ai akuzohet për shpërdorim detyre, pasi ndyshohet se ka abuzuar me një kontratë për shërbime.

Gjykata penale pritet të marrë vendim pasi të dëgjojë argumentet e prokurorisë dhe Zeqirit. Prokuroria ka kërkuar masën e paraburgimit, shkruan Alsat.

Prokurorja Katerina Kolareviç, e cila po punon për rastin, në një deklaratë për mediat nuk ka treguar se ku janë paratë nga përvetësimi i pretenduar i thesarit të shtetit prej një milion eurosh. Ajo tha se nuk kanë prova për rastin, por kanë dyshime, hetimin e kanë hapur dje kur kanë kërkuar paraburgimin e Zeqirit.

Lidhur me dy të dyshuarit e tjerë shtetas të Kroacisë, prokuroria shpall kërkesë për ekstradimin e tyre.

“Informatat operative të MPB-së janë se ata janë larguar nga territori, por gjykata ka urdhër për arrestimin e tyre”, tha prokurorja Kolareviç. /abcnews.al

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur