Pas dështimit të sotëm të lëshimit të raketës së Koresë së Veriut kanë filluar edhe shakatë me të.

Përdoruesit e rrjeteve sociale e kanë përshkruar me humor momentin e dështimit të raketës, në mënyra të ndryshme.

Njëri nga përdoruesit e rrjetit social Twitter përmes një video të bërë me montazh ka paraqitur liderin e Koresë së Veriut, Kim Jong Un të dëshpëruar pasi dështon në lëshimin e raketës.

Një tjetër përdorues i rrjeteve sociale ka bërë me anë të montazhit një poster me personazhin kryesor të serialit “Sex and the City”, Sarah Jessica Parker e cila kinse aktron me Kim Jong Un në serialin “Një dështim për faqe të zezë”.

Ndërsa disa nga përdoruesit e tjerë të Twitter-it besojnë se Kim Jong Un  nuk ishte i koncentruar mjaftueshëm momentin kur e lëshoi raketën.