Një vullkan në Indonezinë lindore, në ishullin turistik Flores, shpërtheu sërish të enjten mbrëma, duke detyruar autoritetet të ngrenë nivelin e alarmit në maksimum.
Shpërthimi i vullkanit Levotobi Laki-Laki 1703 metra i lartë zgjati 11 minuta e 9 sekonda. Hiri që u hodh arriti një lartësi prej 8,000 metrash mbi majën e tij, tha agjencia indoneziane e vullkaneve.
Shpërthimi filloi në orën 22:56 me orën lokale. Deri më tani nuk raportohet për dëme në fshatrat fqinjë, por shërbimi paralajmëroi banorët se ekziston rreziku i baltës vullkanike për shkak të reshjeve të mëdha.
Shpërthimi u shoqërua me goditje të forta që u dëgjuan deri në qytetin Maumere, i cili ndodhet më shumë se 80 kilometra nga vullkani, si dhe në rajonin Larantuka, 50 km larg, në perëndim të malit
Autoritetet kanë ndaluar hyrjen në një rreze prej 7-8 kilometrash rreth vullkanit. Laki-Laki Levotoby u riaktivizua nëntorin e kaluar. Më pas, nëntë persona u vranë, dhjetëra fluturime ndërkombëtare për në ishullin turistik Bali u anuluan dhe mijëra banorë u detyruan të largoheshin nga fshatrat e tyre. Emri “Laki-Laki” do të thotë “burrë” në indonezisht. Laki-Laki ka gjithashtu një vullkan “binjak”, por më të qetë, emri i të cilit do të thotë “grua”.
Indonésie 🇮🇩 – Lewotobi
🔸Plusieurs sources indonésiennes rapportent une éruption massive du Lewotobi Laki-Laki en Indonésie.
Le panache de cendres s'élèverait déjà à + de 8000 m d'altitude.
+ d'infos à suivre pic.twitter.com/ShX4mZa3DK— 𝐆𝐞𝐨𝐓𝐚𝐥𝐞𝐬 (@GeoTales_) March 20, 2025
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
