Një incident i shëmtuar ka ndodhur në qytetin e Prizrenit, ku një qytetar është kapur nga kamerat e sigurisë duke grisur librin e shenjtë, Kuranin. I dyshuari për këtë akt të rëndë ende nuk është lokalizuar, ndërkohë që Prokuroria Themelore në Prizren ka autorizuar policinë për të ndërmarrë veprime hetimore.

Për këtë rast, Gazeta Insajderi ka kontaktuar me Prokurorinë Themelore, e cila ka konfirmuar se hetimet janë në proces.

Prokuroria ka potencuar se ka urdhëruar policinë që të punojë për identifikimin e kryesit dhe mbledhjen e provave të nevojshme.

“Prokuroria ka vlerësuar se kemi të bëjmë me veprën penale “Nxitja e përçarjes dhe mos durimit” nga neni 141, sipas Kodit Penal të Republikës së Kosovës (KPRK), e cila vepër penale me Ligjin e ri për Prokurorinë Speciale ka kaluar në kompetencë të PSRK-së, ku e njëjta është njoftuar për rastin, dhe veprimet e mëtutjeshme hetimore është duke i ndërmarrë kjo e fundit”, thuhet në përgjigjen e tyre.

Nga pamjet e publikuara, raportohet se veprimi i burrit me grisjen e Kur’anit ka ndodhur të hënën gjatë muajit të Ramazanit.

/Insajderi

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!