Viti duket se ka qenë i mbarë për situatën e prodhimit të energjisë në vend. Instituti i Statistikave publikoi bilancin e energjisë elektrike për vitin që shkoi, ku prodhimi vendas rezulton me një rritje prej 24,1 për qind krahasuar me 2014.
Kjo i dedikohet situatës së mirë hidrike në kaskadën e Drinit, që ka çuar në rritjen e eksporteve dhe uljen e importeve.
Kështu importi bruto i energjisë elektrike ra 29,8 për qind, kurse eksportet u rritën me mbi dy herë, shkruan Top Channel.
Sipas INSTAT-it, 3/4 e energjisë prodhohet nga hidrocentralet vendase dhe 1/4 nga subjektet private.
Vitin që shkoi, konsumi i energjisë elektrike nga familjarët u rrit me 0,8 për qind dhe për jofamiljarët u rrit me 1,5 për qind, krahasuar me vitin 2014.
Bilanci i energjisë elektrike është botim 6 mujori i INSTAT dhe mbledh të dhënat nga KESH, OSHEE dhe OST./Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
