Zv.ministrja e shëndetësisë Mira Rakacolli tha gjatë një interviste për Report Tv se 20% e popullatës në vendin tonë është vaksinuar deri më tani. Ajo shtoi se turizmi është shumë i rëndësishëm për ekonominë e vendit dhe autoritetet kanë marrë të gjitha masa për të garantuar një sezon të suksesshëm.

“Vaksinimi në Shqipëri po ecën shumë mire, ne vazhdojmë të jemi për ritëm vaksinimi pra për numër personash për 100 veta të vaksinuar jemi në vendet e para të Ballkanit dhe njëkohësisht jemi barabartë me mesataren e Europës.

Në Shqipëri janë vaksninuar mbi 600 mijë persona dhe vazhdon, e nga këta persona mbi 200 mijë veta kanë marrë dozën e plotë të vaksinimit dhe sipas të dhënave të ISHP rezulton se rreth 20% e popullsisë që ka indikacion për vaksinim pra ata që janë mbi 16 vjec, tashmë janë të vaksinuar”-tha zv.ministrja Mira Rakacolli.

Sa i përket sezonit veror, zv. ministrja tregon se ne Qendrat Shëndetësore në zonat turistike do të ketë teste të shpejta që arrijnë të dallojnë nëse një qytetar është i infektuar me COVID-19.

“Organizimi shërbimit shëndetësor gjate periudhës turistike është një nga prioritete që ka ministria jonë e shëndetësisë dhe natyrisht që tashmë prioritet është dhe pandemia. Një element për të vendosur nëse një i sëmurë që paraqet shenja ,është cobiv apo është dicka tjetër është rapid testi, kështu që padyshim që edhe rapid testet do të jenë të pranishme ne Qendrat Shëndetësore për tu përdorur atëherë kur mjekët e gjykojnë të rëndësishme për të bërë diagnozën diferenciale”, u shpreh Rakacolli.

Rakacolli ka dhe një apel për qytetarët për respektimin e masave që mund të na cojnë drejt një vere me më pak kufizime.

“Po krijohet një lloj vetkënaqësie sikur pandmeia ka mbaruar, nuk ka mbaruar, nuk duhet të genjehemi akoma nuk ka mabruar. Duhet të vazhdojmë të zbatojmë me rigorozitet masat. Vetëm nëse do të vazhdojmë të zbatojme me rigorozitet masat ashtu si ne rekomandojmë, do t’ia dalim me sukses do të kalojmë një ver të qetë e me më pak restriksione sec kemi kaluar verën e kaluar dhe me sa po jetojmë tani”, tha zv. ministrja e shëndetësisë.

Situata pandemike në vend duket e qetë ku dhe shtrimet në spitalet COVID kanë arritur nën 100 pacientë.