Shqipëria do të hapë nesër katër kapituj të rinj të negociatave për anëtarësim në Bashkimin Evropian, gjatë Konferencës së 6-të Ndërqeveritare që do të mbahet në Bruksel me ftesë të Danimarkës.

Negociatat do të fokusohen në Grupin 4: “Agjenda e gjelbër dhe lidhshmëria e qëndrueshme”, ku përfshihen:

Kapitulli 14 – Politika e transportit

Kapitulli 15 – Energjia

Kapitulli 21 – Rrjetet transevropiane

Kapitulli 27 – Mjedisi dhe ndryshimet klimatike

Konferenca do të bashkëdrejtohet nga kryeministri Edi Rama dhe ministrja daneze për Çështjet Evropiane, Marie Bjerre. Në takim pritet të marrë fjalën edhe Komisionerja për Zgjerimin, Marta Kos.

Sipas agjendës, punimet do të nisin në orën 08:00, ndërsa konferenca për shtyp është planifikuar në orën 09:15.

Procesi i anëtarësimit të Shqipërisë ka hyrë në një fazë të avancuar, pasi vendi ka hapur tashmë kapituj në grupet e mëparshme: Themeloret, Marrëdhëniet e jashtme, Tregu i brendshëm dhe Konkurrueshmëria.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!